ولا أى واحد فى الدنيا حبك
يا مصر قدى
لا تقوللى مينا ولا تحوتمس
أو حتى خوفو ولا جد جدى
حبّك ملامحي
وسمار جبيني
غيطانى
قمحي
عنيك صبحي
وطعم نيلك
جوَاى بانيلك
مليون مسلة
شاقّين هواك
لجلن يبوسوا
خدود سماك
ولا أىّ واحد ف الدنيا حبّك
يامصر قدى
ياشيخة توبي
مزعت توبى
عريان بدوبى
ساتر حمامتى
تايهين يا مامتى
من جوّة حضنك
من بعد إذنك
انا مش مؤدب
هارمى ف وشك
آثار أمومتك
على جبينى
مضروب بشومتك
وفوق كتافى شايل حمالك
هو انت مالك ومال جروحى
ما تحوشى ملحك
غلبت اصالحك
وانا اللى عمرى ما خنت عهدك
وافرح لفرحك
وانت بغبائك يشجيك حزنى
ولا أي واحد يا مصر حبك
يا مصر قدى
غربان بتنعى على غصونك
ما يطربوش
وطيور حنينى مدبوح غناهم
برة العشوش
محتاج اصونك
عشان ولادى
وانت اللى كافرة
بحقوق ولادك
حتى قلوبهم يا مصر زادك
ورغم ذلك
ما اقدرش إلا
إنى أحبك .
هناك 23 تعليقًا:
شعر جميل؛ شكرا لزيارتك اتمنى ان لا تكون الاخيرة؛ ارى انك مهووس بالشعر؛ انا بصدد انجاز مشروع ثقافي عربي من الحجم الثقيل انشاء الله؛ انا معتمد في ذلك على الله تعالى و على المتطوعين من شباب الامة المثقف؛ اتمنى ان تنضم الينا؛ نحن بحاجة الى شباب من ام الدنيا؛ يجمع لنا المادة الثقافية الهائلة التي ينتجها الشباب المصري؛ اذا اعجبتك الفكرة يمكنك مراسلتي؛ ساخبرك كيف يمكن ان تشارك معنا؛ هذا عنوان الصفحة
www.maktabanet.org
آدم
زرتك وانا معك فى هذا المشروع
تحياتى
اولا القي التحية وارمي السلام
..
القصيده جميلة جدا واكثر من رائعة
***
ولا أى واحد فى الدنيا حبك
يا مصر قدى
لا تقوللى مينا ولا تحوتمس
أو حتى خوفو ولا جد جدى
***
صدقتك جدا جدا حسيت بصدق رهيب
ما اعرفش ليه انت فضلت تقارن بينك وبين شخصيات فرعونية
يمكن تقول ان بعد الفراعنة ما حدش حب مصر
بالرغم ان الشخصيات كتير علي مر التاريخ.. انا معاك برده في الفرض ده
***
حبّك ملامحي
وسمار جبيني
غيطانى
قمحي
عنيك صبحي
وطعم نيلك
جوَاى بانيلك
مليون مسلة
شاقّين هواك
لجلن يبوسوا
خدود سماك
ولا أىّ واحد ف الدنيا حبّك
يامصر قدى
***
لساك متمسك بالمفردات الفرعونية زي المسلة
وبتبص للنيل والشمس نفس النظرة المقدسة بتاعت الفراعنه
يمكن عشان الصعيد فضل نقي ما اتاثرشي بالمتعاقبين علي مصر
****
ياشيخة توبي
مزعت توبى
عريان بدوبى
ساتر حمامتى
تايهين يا مامتى
من جوّة حضنك
من بعد إذنك
انا مش مؤدب
هارمى ف وشك
آثار أمومتك
على جبينى
مضروب بشومتك
وفوق كتافى شايل حمالك
هو انت مالك ومال جروحى
ما تحوشى ملحك
غلبت اصالحك
وانا اللى عمرى ما خنت عهدك
وافرح لفرحك
وانت بغبائك يشجيك حزنى
ولا أي واحد يا مصر حبك
يا مصر قدى
****
هنا اشعر بك .. الطفل الذي يعشق امه كثيرا ولكن هذه الام قاسية لدرجة كبيرة
كلماتك جميلة جدا
كلمة " مامتي "
دليل جامد علي السخرية والمفارقة الحادثة من طريقة تعاملك معها وطريقة تعاملهامعك
****
وانت بغبائك يشجيك حزنى
ولا أي واحد يا مصر حبك
يا مصر قدى
غربان بتنعى على غصونك
ما يطربوش
وطيور حنينى مدبوح غناهم
برة العشوش
محتاج اصونك
عشان ولادى
وانت اللى كافرة
بحقوق ولادك
حتى قلوبهم يا مصر زادك
ورغم ذلك
ما اقدرش إلا
إنى أحبك
****
هنا اجد الاعتراف الحقيق بحبك لها بالرغم من شدة القسوة
لا اعلم لما اختزلت مصر في الشخصية الفرعونية فقط
ولكن علي مستوي الالفاظ كانت سهلة جدا وتوصل لاي حد والجميل برده الصعيدي فيها
تحياتي ليك ي شاعر
آدم
اشكرك على التحليل الرائع للقصيدة
وهذا يسعدنى جداص ويدل على اهتمامك بالقصيدى
وليس القراءة العابرة
اما
عن الإستخدام للترميز الفرعونى فهو تسلسل متوقف عند هذه الفترة التاريخية وذلك لا يعنى التوقف بل المضى إلى فترا تالية يجب ان يرد فى ذهن المتلقى تلقائياً دونما
ادنى شك
@ابو امل
شكرا لك يااخي؛ انا الآن على سفر؛ ساقوم بمراسلتك الاسبوع القادم حتى نتعرف على بعضنا اكثر؛ مرحبا بك في مكتبة نت
عزيزى الصعيدى الجميل
آدم قال كتير من اللى كنت عايز أقوله
و انا هاضيف
أولا : إسترسالك فى الكتابه موصول جدا و بصراحه مش لاقى أى فصل مابين أجزاء القصيده يمكن يكون ده لوجود لزمه معينه
ثانيا : عندك شوية صور جديده جدا و بديعه جدا زى المسلات اللى بتبوس الهوى و صوت العصافير اللى بيندبح أول ما يخرج م الأغصان
ثالثا : أهنيك على القصيده :)
أحلى سلاااااااام
آدم
إلى اللقاء
محمد ابو الفتوح
شكراً على اضافتك على كلام آدم
وسعيد لإحساسك بالقصيدة
وتقديرك للصور وحكمك بأنها جديدة
دائماً
تغمرنى
بتشجيعك
اسعد
عندماً
يشعر
بى احد من
الذين أكتب
من اجلهم
شعرى
تحياتى
مدونة
جميلة كصاحبها
شاعرية
ككلماتك دائماً
اشكرك على دعم مدونتى
محمود مغربى
كلمات ولا اروع وهو ده فعلا احساس كل انسان غايب عن موطنه احساس الابن اللي عيش تحت ظلم مامته وهي مش حاسه بيه
بجد انا حسيته وملهوووووش حل بجد
ولا أى واحد فى الدنيا حبك
يا مصر قدى
لا تقوللى مينا ولا تحوتمس
أو حتى خوفو ولا جد جدى
وربنا يسترها
محمود مغربي
مبروك انضمامك
لعالم البلوجر
تحياتى
بين الأمل والياس
مستورة
والنبى
واللى يحب النبى يزق
وهنيالك يافاعل الخير
ومن قدم بيداه شيقن التقاه
تحياتى
احلى حاجة
ان يبقى فى حد لسه عنده احساس وطنى عالى كدة
بصراحه مش عارف أقولك إيه يا أخ فتحي .. صعيدي برضه ومن الصعيد الجواني كمان .. يعني جايب قرارها وقراريها على رأي عمنا الفاجومي
كل فترة بتصدمنا كده .. تلهلبنا كده .. ربنا يخليك لينا وتصدمنا كمان وكمان
ما هو أصل الصدمات دي محتاجينها أوي الأيام دي يا أستاذنا العزيز
عارف أنا باعتبر الصعيد ده إيه يا أستاذ فتحي ؟؟؟ الصعيد هو المخزون الاستراتيجي لبلدنا في الأخلاق والمروة والجدعنه والحمشنه والذي منه
بس ربك يسترها عليه هو الآخر .. يالا بقى ابعتولنا ناصر تاني ولا إيه ؟؟؟
تحياتي لك وللجميع
مانو
ما يكونش إزاى
هو بعد الوطن
هيبقالنا إيه
هيبقالنا
وش نبص لعيون عيالنا
إزاى
بعد مص هيبقالنا إيه
مانو
شرفت المدونة
ابن بهية
كلام كبي عليا
يا يا ابن بهية
اكب منى ومن الل خلفونى
ومن جد جد جدى
ارفض ان ننتظر صعيدياً
من جديد لكى ينقذنا
احنا صحيح
واعين فى ظل احتلال منوفي
قوى
بس مسيرها تتعدل
بكرة واللى عنده
حاجة عاوز يغيرها
بكرة هتتبدل
معلهش يا ام امل
الكلام مش عليكى
ابن بهية
شرفتنى من جديد
سعيد بكلامك الرقيق
تحياتى
لا تغب عنى ثانية
يا ابن بهية
اخي العزيز ها انامن جديد و لكن هذه المرة لاحدثك عن مكتبة نت؛ كما سبق و قلت لك نحن الآن بصدد تجميع المادة؛ لقد دشنا هذا الاسبوع المدونة الخاصة بمكتبة نت؛ سيكتب فيها مجموعة من الاساتذة و المثقفين؛ اما في مواضيع كانوا قد قاموا بدراستها اكاديميا؛ او لتعريف باعمالهم او مشاريعهم؛ او شعرهم مثلا بالنسبة للشعراء؛ و لكنها ستحتوي ايضا على مواضيع مستقلة تتناول مواضيع مختلفة؛ بما انك شاعر فان مكتبة نت توفر لك فرصة التعريف بشعرك في فضاء سيصبح قبلة المثقفين العرب؛ سنكون سعداء لو تقوم باعلام من تعرفهم من الشعراء بهذا الموقع؛ او ربما بامكانك انت ان تقوم بتجميع هذه المادة و ارسالها الينا لنشرها؛ اكيد ان الشعر الشعبي متطور جدا في الصعيد و هو في غالبه غير معروف و غير منشور؛ مكتبة نت توفر لك فرصة نشر و التعريف يشعر جهتك في العالم العربي كله؛ كما انه سيكون بمثابة الارشيف الالكتروني؛ يمكنك ان ترسل تسجيلات صوتية ايضا لان مكتبة نت سيكون فيه مكتبة صوتية بالنسبة للشعر. اتمنى ان تكون عنصرا نشطا في مكتبة نت؛ نحن في حاجة الى الشباب العربي المثقف و الحريص على هويته و ثقافته
تحياتي
هذا عرض
رائع
محل دراسة
سأزورك
واتواصل
أيها الشاعر الجميل
أنت شاعر رائع
ومدونتك أكثر من رائعة حقا
سعدت جدا جدا بها وبكل أعمالك الجميلة
أرجو دوام التواصل
الشاعر الرائع / بهاء الدين رمضان
اهلا بك مجدداً بمدونتى
سعيد جداً بكلماتك الرقيقة التى تمثل فخراً لى من شاعر جميل دائماً أفخر به لن تنقطع علاقتنا سأظل متمسكاً من خلال لتواصل المستمر
تحياتى
ولا أرق منك
أيها الحكواتى
الجميل
اين صوتك أيها الرجل
أرى أن أنك قد دخلت المعترك الشعري من أوسع أبوابه رافعاً قلمك الجسور في وجه كل من يقلل من شأن خصوصيتك اللفظية في شعرك كماأشعر بأن الأمور قد بدت لك أكثر إيضاحاً من ذي قبل وأن الصور الشعرية باتت في متناول عقلك فتطوعها كيفما تشاء في سهولة ويسر وهذاليس بقليل لشاعر في قامتك فأنت أديب من أخمص قدميك حتى النخاع 00 تحياتي يا ذاتي علاء
إرسال تعليق