الاثنين، ديسمبر 26، 2005
مشاهد باهتة للموت
الحزن ساكن في القلوب
والناس يا دوب
طايلين يموتوا في النهار
والليل تملى في انتظار
ألفين خيار
يا تموت وليد
يا تموت شهيد
يا تعيش 00000
واقف على بداية طريق
ما بينتهيش
والأرض من تحت الحوافر
ترفضك
تفضل تبعتر خطو تينك
في الفضا
الخطوتين من عجزهم
ما بيوصلوش
تقف وتبدر خطوتينك من جديد
جوه التراب اللى اشتهاك
اللى انتظر لحظة شروق
لحظة ما ينزف بوز قلم
مشبوك فى جيب الجلابية اللى اتحشت
حبة ملامح باهتة
لحظة سقوط الضى فوق
وش الشتا
لحظة ما تعزف كف بكرة الباردة
حفنة اشعة دفيانين
وترشهم فوق الشجر
فوق البيوت
والشمس شقت توب نهارها حتتين
حتة دابت من خطايا المذنبين
وحتة شالتها كفن
وطلعت على سن الجبل
ماتت من التعب
والعنكبوت اللى اسمه ليل
غازل على حد السما
خيطان ضلام
وبحبه موت
العنكبوت
الليل عشان بيودنى
محتاج له موت العنكبوت
الليل عشان بيلمنا
ف حضنه الوسيع
العنكبوت غازل على وشوش البشر
خيطان وهن
العنكبوت 00000
اللى اسمه0000موت 0000
الاشتراك في:
تعليقات الرسالة (Atom)
هناك 5 تعليقات:
روعة
شكلى هاجى هنا كتير
كويسة جداً ، عجبنى وقع الكلام ، و مبروك على المدونة مع إنها جت متأخرة شوية!!!
يا أبو أمل معلش أنا عدت قراية مدونتك تانى و إسمحى أقولك إن أنت أمل و أبوه فى عودة الشعر العامى لمستواه أستمر يا باشا أنا حضيفك على مدونتى الشعرية
قشطة !
الله
الله
الله
hesteua
شكراً
تشرف
السهروردى
الله يبارك فيك
السهروردى
الشعر بخير
ما وجدت المشاعر الصادقة
شكراً على اضافنى
كلام
شكراً شكراً
شكراً
الا
هى باللبن برضه
إرسال تعليق