حزين جداً لحالة الكسل التى أصابتنى بلوجرياً فى الآونة الأخيرة
وحزين لأن أحداً لم يقرأ قصيدتى السابقة
بعنوان عنوان مفضض لكلام مدهب
بس انا السبب
رجاء لمن يقرأ هذه التدوينة
ان يطل على القصيدة السابقة
ويعلق
أبوأمل
إلى العمل
الديك فى الصباح
يحب أن يصيح
بريشه الجميل
وقلبه النبيل
وصوته الفصيح
***
الديك فى الصباح
يقول فى الصياح
الحمد للإله
لفضله الكبير
وكونه الفسيح
***
الديك فى الصباح
يسبّح الإله
ويعشق الحياة
ويكره الكسل
بوجهه القبيح
***
الديك فى الصباح
ينبّه الجميع
ليلحقوا الصلاة
بالمسجد الكبير
فى بهوه المريح
***
الديك فى الصباح
يقول فى الصياح
هيا إلى الفلاح
هيا إلى النجاح
فى كوننا الفسيح
نشرت فى مجلة قطر الندى للأطفال العدد315
بتاريخ 20/7/2007
هناك 6 تعليقات:
أبو امل ... الشاعر الكبير أشكرك يا ريس على الزيارة الجميلة اللى شرفتنى بيها أما بخصوص حالة الكسل فانا معاك فى النقطة دى يعنى كل فين و فين على ما تتحفنا بحاجة جميلة وبخصوص الكلام المذهب تدوينتك السابقة فانا عن نفسى عملت الواجب و علقت وكان اول معرفتى بيك المعرفة التى اتمنى ان تدوم ان شاء الله فقد رجعت لكل ما كتبت سابقا لأكتشف شاعر ذو شخصية مميزة وصاحب مفردات حادة كمشرط الجراح يؤلم لكنه يصل الى موضع الألم يلامسه ليشفيه ... تحياتى وربنا يوفقك
انا داخلة فى عجالة اشوف الشاعر العبقرى ...لانى بحب الشعر ...
اول ما شوفت الشعر ده عجبنى وفكرن بايام ابتدائى وما كنتش هقولك كده علشان ما تزعلش ..بس لاقيتك بتقول منشور فى مجلة اظفال قلت اقول رايى بصراحة
على فكرة فى مشكلة فى بوستاتك ان خطها كبير حبتين وبيدخل فى بعضه
بصراحه انا زعلان منك جدا
لانك مصر علي حرماننا منك
عارف ليه مفيش على مدونتك اقبال عشان انت مشتتنا وعامل لنفسك تلات اربع مدونات
وكل مرة بقعد اقرا
بس لما باجي اعلق مبعرفش لما احب اخاطب مصر
اطلب 0900 ولا ايه
ركز او قولى اعلقلك فين بالظبط
فكرتنى بأغانى الحضانة
حلوة منك على قد سنك
:)
حازم شلبى
اشكرك على انك اتعبت نفسك
وراجعت بوستاتى القديمة وسعيد
برأ يك
الذى يدفعنى للأمام
وارجو ان اكون عند حسن ظنك
عابرة سبيل
ارجو المعاودة ولا تكون زيارة عابرة
محمد مفيد
حمدالله ع السلامة وزيارة مقبولة
جرينيمو
رأيك جدير بالأخذ به فعلاً كتر المدونات بتخلى الواحد ما يعرفش يركز
مش عارف اعمل غيه فى المشكلة دى وبعدين مدوناتى ىغالية عليا من معزة امل واكتر مش هيهون عليا احذف حاجة منها
الله
إرسال تعليق