بالخط الكوفي
وبلمسة من فرشة قلبك
فوق جلدة كراسة فلبى
اكتبني
من غير ألقاب
من غير مفاتيح
ولا حتى أبواب
ادخلنى
ملس على شعر حبيبتي المبلول
واقرا لها الفاتحة
حبل غسيلها ناشف من ست سنيين
لمه وبعترنى
واغمس فرشاتك ف دموعي
واعشقـني في كل حروفي
وبلون خدين حسنائك
اكتب فائي
اكدب لو قلت وفائي
لأول بنت ف عمري
زى وفائي لعيون حسناء
بالخط الكوفي
اكتب تانى حروفي
اكتب تائي
جمع تواريخي
لم الخوف اللي ساكنى ف نقطة
ولم العجز السوس الناخر في العضم ف نقطة
ولم علاقة الخير بالشر في غنوة
واحد فها في عين الشمس
واستني الغد يطق عليك من فوق
لحظة ما الشمس تخر شروق
بالخط ا لكوفى
اكتب حائي
لغمط ألوانك وانترهم حوالين الحرف
اسحب م الحاء الباء
المغروزة في لحم القلب
وبطرف الاستيكة امسح
كل الباءات المكتوبة في معجم الفاظى
وبسن الأزميل
فوق جدران القلب الصلب
انحت صورة جميلة لوش آمال
بالخط الكوفي
لولب على قد ما تقدر يائي
لفلف حوالين الحرف حبال
وانده على كل بنات الحور
ف خيالك
خيرهم ما بين الموت
وما بيني
واشنقهم
واقلب جلدة كراسة قلبي
وبالخط الكوفي
وفى نص السطر اكتب
فتحي
هناك 5 تعليقات:
ايه الجمال ده تسلم ايدك
استمتعت بقراءتها كثيرا بصوت عال. كنت أود أسمعها منك كانت هتبقى فعلا من جلدة كراسة قلبك.
في انتظار المزيد
يا ابو الفتوح انت عارف رأيي من زمان
بس لو تتنحرر شوية
هتعمل شغل ما حصلش
لا يافتحي اوعى تتحرر خليك دايما بتدور على الحرية ونقشها على شكل حبيبتك
للجميع شكرا ع التواصل
جرينيمو
الله يخليك
حازم
كان نفسى
اسمعها منك
هيبقى احساسك بيها
مختلف
المزيد أهو
وانت مزرتش
أبوشنب
ربنا يسهل
عماد
ويعنى انا عملت غير كده
إرسال تعليق