بور تريه
اناوانت اتنين
شايلين أحلام
وكلام مرشوش
بحلاوة بكره الجاية قوام
أنا وانت اتنين
ما انتاش إبليس
ولا حتى ملاك
الحب ماليك
والخير جواك
عصافير بتطير للخير ساكناك
أنا وانت اتنين
قابضين على الجمر
وجوة قلوبنا بينبت زهر
ونشرب مر
ونلحس كف الصبر
ونيجى في آخر الليل
نتوضى ونرضى بحبة تمر
أنا وانت اتنين
واخدانا السما
جواها نجوم
بأكمل فيك أنغام مزازيك
وتكمل فيا حروف ما تشوف
غير فجر وليد
وف زحمة ليل العوزة ألقاك
تديني النص الناقص منى
أديك القلب اللي ساكنى
تتربع فيه0000
تسكني
هناك تعليقان (2):
السكن قانون جديد ولا قديم
ههههههه
دايماً فوق الرائع بنص قصبة
يا ابو الفتوح يا جامد
واقابلك على الدرباس
ليه بس حارمنا من الحجات الحلوة دي دي اجمل حاجة ابدا بيها السنة الجديدة واحب اهيديها لابو شنب ويمكن دي اول مرة اقرا قصيدة انا وانت كاملة بس مش عارف ليه كانت على وشي ابتسامة بفرحة الاحساس ودمعة مكسوفة لما افتكرت ان علاء في الكويت
عماد سعيد
إرسال تعليق