هلال رمضان
هلال مشبوك
على غرة سما
متبسمة
بترش ع الناس
أوسمة
مفاتيح دخول الجنّة
من أوسع الأبواب
فى نهاية الشهر الكريم
****
هلال رمضان
بزبوز هداية
ومغفرة
بيصبّْ فوق كف الجميع
المرحمة
حواديت صحابة
وأهل خير
وقلوب أبيّة
وملهمة
وعزيمة للنصر المبين
أناشيد حماسة
وملحمة
********
هلال رمضان
غنوة فرح بلون جديد
ف عيون ولاد
مزقططين
بمسحراتى وبفانوس
وشبه صوم
لوح اردواز
ما هوش إزاز
ولا حديد
بيشيل حروف
أغلى كتاب
نزل ف ليلة
بألف شهر
*******
هلال مشبوك
على غرة سما
متبسمة
بترش ع الناس
أوسمة
مفاتيح دخول الجنّة
من أوسع الأبواب
فى نهاية الشهر الكريم
أبو أمل
هناك 6 تعليقات:
كل سنه وانت طيب يا فنان
كل0 سنة وانت طيب يا فتحي
والله وحشتني الافطارات اللي كنا نتلم فيها
وتلاقينا عمالين نلف في البلد زي المفاجيع
كل سنة وانت طيب
سلم لي على رمضان وعلي عبرحيم
وشحات حسن ومحمد ذكي وكل رجالة الدرباس
كل سنة و انت طيب كل سنة و انت شاعر وكل سنة و احنا قراء وكل سنة وانت بتبهرنا بتعبيراتك الجميلة ... بزبوز هداية .. بجد حلوة محدش يعرف يجيبها غيرك ... تحياتى يا صديقى ورمضان كريم
محمد مفيد
كل سنة وانت طيب
دايماً سبّاق يا أفيد
محمد ف مصر
ابو شنب
كل سنة وانت طيب فين الإفطارات يا هندسة كيلو اللحم ب 25 جنيه
ال 4 كيلو ب بمائة لحلوح سلملى ع الفول ما غلى برضة الدرباس بمن عليه بيسلم عليك
حازم شلبى
كل سنة وانت طيب قارئاً متذوقاً محباً
أرضيت غرورى يا رجل
كل سنة و حضرتك طيب
و شاعر
:)
كل سنه وانت طيب يابو قلب طيب
بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر
إرسال تعليق