نويت أخش جنتك
من غير ما يوصلنى
نذير
من اي رمش
نويت أخش
من غير حساب
أو حتى ياجينى جواب
م الغمازات
ومن الشفايف
والعيون
نويت أشوفنى
في الضفاير
مستخبى م العذاب
نويت أدوب يا حبيبة
وحدتى
ف كاس الحنين
نويت أتوب
عن أي ذنب
أي كلمة حب
على لساتى العنيد
رافضة تغرد
فوق غصونك
عصفورة بتلقط مشاعر
دفيانين
محتاج اصونك
جوة فى دم القصيدة
ال محتاجاك
لجل بكرة يكون
براح
نويت أرفرف
ف الفضا
من غير ما روحى
تنسحب من الجسد
بالحشرجة
من غير رجا
ف بحور عسل
وبحور لبن
وبحور خمور
وبحور غناوى فرحانين
نويت أعدى ع الصراط
ما بين عنيك ومحنتى
قدامى نار
وورايا نار
يمينى وشمالى وأنا
مش واخد قرار
أطمع ف خلد محبتك
أو أتحدف من جوة
نار الإختيار
اقرأ فى
مدونة قلم نونو " كلب لبيبة "
مدونة صعيدى شحط محط " ابن عروس"
مدونة الكناشة " أمي "
من غير ما يوصلنى
نذير
من اي رمش
نويت أخش
من غير حساب
أو حتى ياجينى جواب
م الغمازات
ومن الشفايف
والعيون
نويت أشوفنى
في الضفاير
مستخبى م العذاب
نويت أدوب يا حبيبة
وحدتى
ف كاس الحنين
نويت أتوب
عن أي ذنب
أي كلمة حب
على لساتى العنيد
رافضة تغرد
فوق غصونك
عصفورة بتلقط مشاعر
دفيانين
محتاج اصونك
جوة فى دم القصيدة
ال محتاجاك
لجل بكرة يكون
براح
نويت أرفرف
ف الفضا
من غير ما روحى
تنسحب من الجسد
بالحشرجة
من غير رجا
ف بحور عسل
وبحور لبن
وبحور خمور
وبحور غناوى فرحانين
نويت أعدى ع الصراط
ما بين عنيك ومحنتى
قدامى نار
وورايا نار
يمينى وشمالى وأنا
مش واخد قرار
أطمع ف خلد محبتك
أو أتحدف من جوة
نار الإختيار
اقرأ فى
مدونة قلم نونو " كلب لبيبة "
مدونة صعيدى شحط محط " ابن عروس"
مدونة الكناشة " أمي "
هناك 19 تعليقًا:
جمييييييييييييييله
أشوفنى فى الضفافير مستخبى من العذاب
ميه ميه
بس فين بورتريه دى لم أجدها
فانتازيااااااااااااااااااااااااا
انت شاعر جميل جدا
يارتني ابقي زيك
جميله اووووووووووووووووووى
ايه الجمل ده
وادينى كتبت من قلبى وتعالى شوف
كلام جميل !!
فعلا كل مرة بمر على مدونتك بكتشف إنك مبدع اكثر وأكثر
للجميع
شكراً على دعمكم المعنوي
وتشجيعكم
انا بطير ف السما
الكروان
شكراً عاى إطرائك
وعلى فكرة بورتريه
فى الأرشيف
2005
آدم المصري
ربنا يخليك
ممكن تبقى شاعر جميل
وتطور أدواتك
وبكرة اشوفك
شاعر عظيم
ابن الشارع
تحياتى
وجايلك مسافة السكة
ايهم جازان
سعيد جداً برأيك
وتشريفك
وربنا يديم القدرة ع التواصل
أنا شوفتها مش قادره أقولك أكتر من رائعه
بجد خلاص انا صادرتها لى أنا وكروان
جميل اوى تعبير نلحس كف الصبر
فانتازيااااااااااااا
فانتازيااااااااااااااااااااا
جميله و خصوصا
(نويت أشوفنى ف الضفاير)
و
(نويت أعدى ع الصراط
ما بين عنيك ومحنتى)
صورتين مالهمش حل
ربنا يوفقك و يقربك من قلوب الناس
و أحلى سلااااااااام
كزوان يغنى الفنتازيا
ممنون
لكما
وسعدت لأن القصيدة نالت الحب
وهذا هو المطلوب من القصيدة ان تصل للناس
إلى اللقاء
محمد ابوالفتوح
اسعد دائماً بزيارتك وخصوصاً
لشاعريتك الرقيقة
سعيد لوصول القصيدة
الى وجدانك
تحياتى
ياسيدي ايه الجمال ده كله
مكسوفة
حمدالله ع السلامة
عاوزين نشوفك
وترجعى لنشاطك التدوينى
علي فكره بعيدا عن اي مجاملات انت جامد ... و بتفهم اوي
انتوك
هي دى الجنة اللي ع الارض
هكذا دائما قنا منجبة الشعراء رائع جدا استمتعت بقصائدك وأتمنى مزيدا من التواصل
عامية سهلة جميلة
فيها روح الأرض وحلم السماء
أداؤك رائع
لنا جلسلت بين صفحاتك
تحياتي
ابووووووو امل
احلا امل
كاءن بيرن فى دوانى صوت الابنودى بيلقى قصيدة
بصراحة؟
مش عاوزة ولا كلمة مش عارفة اعلق صدقنى من جمال الكلام
وعمق المعانى اللى بريحة مصر الاصلية
مش البارفان المستورد ولا البدل السنيية
-------
حسيت بالحنين لمصر اللى قريت وسمعت عمها فى كلامك
-------
اتشرفت انى الاقيها هنا
تحياتى الك
---------
ملحوطة
والنبى يا شيخ تشيل مفتاح الجنة اللى عندك تحت دة قبل البابليش فى التعليقات دة عشان الواحد يتبحبح كدة وهو بيبعت الكلام
انتوك
اشكرك على إطرائك
وع العموم انا بحب انى اتفهم وكلمتى توصل
بس باقلق جداً من سنة الإعجاب الزيادة
كلماتك فخر لى
جرينيمو
الجنة عايشة ف وجداننا احنا
الجنة اللى ف متناول ايدينا
الجنة بتاعة ربنا هو وحده اللى يعلم تفاصيلها
ربنا يوعدناها
دنيا وآخره
قولى آمين
تحياتى
الشاعر/ العزيز بهاء الدين رمضان
سعدت بك فى المدونة
وسعدت أكثر بكلماتك
الرقيقة المشجعة
وسعدت بإمكانية التواصل
شكراً
مأمون المغازي
أهلاً بك
يسعدنى
ان يعيش من يقرأ قصيدتى
فى الجو الذى عشت فيه أو أجواء مشابهة
مع حبى وتقديرى
اتمنى دوام التواصل
فتحى حمدالله
شهروزة
سعدت بوصول القصيدة
وأزعجنى
امتزاج صوتى بصوت الأبنودى فى ذائقتك الأدبية
مع الإحترام للأبنودى ولذائقتك
ولكن هذا يبعث على القلق
بالنسبة لأدائى الأدبى
بالنسبة لأصالة صوتى
فذا لأنى تربيت فى طين الأرض المصرية ولم تغيرنى المدينة
شهروزة
خدى راحتك
ف الكلام
ما فهمتكيش من ناحية
التعليقات
فى الفقرة الأخيرة
يمكنك التعليق على الإيميل
fathyhmdlh@yahoo.com
تحياتى للجميع
رااااااائع
كلامك بيلمس القلب
زورنى
وقول رأيك
مش عارف ليه ما بيسيبش
لينك عندك
الحكواتى
حاول تسيبلى لينك
وهزورك
إرسال تعليق