خيار السلام
صنيبر ونادى
ومن غيط بلادى
وزارعاه ولادى
بنقطف وندى
لكل البلاد
بلاد الجوار
بياخدوا الخيار
خيار السلام
خيار السلام
صغير كبير
رفيع تخين
قصير طويل
على كل لون
وحسب المقاس
ومن غير مساس
بشكل المسار
مسار السلام
خلاصة الكلام
حدانا الخيار
خيار السلام
خيار السلام
ده آخر طراوة
وآخر نداوة
وآخر خضار
تقرقش تفرفش
وممكن تخرط
فى قلب الخيارة
فيحدث تعاون
ما بين الطماطم
وبين الخيار
فى وسط الصحون
فممكن نسدد
فوايد الديون
وممكن نخلل
خلال برطمان
فى وسع المحيط
ووسع الخليج
مخلل خيار
خيار السلام
خيار السلام
براءة اختراع
لراجل فشلة
ف شلة وحوش
دماغه فاشوش
وبيحب النظام
نظام المرونة
نظام الليونة
ومص اللمونة
على اللى باعونا
وباعو القضية
فى سوقر النخاسة
وحتى النحاسة
فى كاب الجنود
باعوها كمان
وباعوا المصير
وبعنا المخدة
وبعنا الحصير
ونام البلاط
وسهرت عيونا
ما بين البينين
ياإما نموت
بهم الحياة
يا إما نعيش
بطعم الممات
فحتماً وقطعاً
ولازماً نموت
وما لناش خيار
وما لناش إلا
خيار السلام
خيار السلام
تعالى دوق وجرب
خيارة فى بقك
فى بدء النهار
تنسيك همومك
تسيح شحومك
تنعنش ترطب
فى بدء النهار
وآخر النهار
خيارة السلام
ما تعرفش فين
أبوأمل
صنيبر ونادى
ومن غيط بلادى
وزارعاه ولادى
بنقطف وندى
لكل البلاد
بلاد الجوار
بياخدوا الخيار
خيار السلام
خيار السلام
صغير كبير
رفيع تخين
قصير طويل
على كل لون
وحسب المقاس
ومن غير مساس
بشكل المسار
مسار السلام
خلاصة الكلام
حدانا الخيار
خيار السلام
خيار السلام
ده آخر طراوة
وآخر نداوة
وآخر خضار
تقرقش تفرفش
وممكن تخرط
فى قلب الخيارة
فيحدث تعاون
ما بين الطماطم
وبين الخيار
فى وسط الصحون
فممكن نسدد
فوايد الديون
وممكن نخلل
خلال برطمان
فى وسع المحيط
ووسع الخليج
مخلل خيار
خيار السلام
خيار السلام
براءة اختراع
لراجل فشلة
ف شلة وحوش
دماغه فاشوش
وبيحب النظام
نظام المرونة
نظام الليونة
ومص اللمونة
على اللى باعونا
وباعو القضية
فى سوقر النخاسة
وحتى النحاسة
فى كاب الجنود
باعوها كمان
وباعوا المصير
وبعنا المخدة
وبعنا الحصير
ونام البلاط
وسهرت عيونا
ما بين البينين
ياإما نموت
بهم الحياة
يا إما نعيش
بطعم الممات
فحتماً وقطعاً
ولازماً نموت
وما لناش خيار
وما لناش إلا
خيار السلام
خيار السلام
تعالى دوق وجرب
خيارة فى بقك
فى بدء النهار
تنسيك همومك
تسيح شحومك
تنعنش ترطب
فى بدء النهار
وآخر النهار
خيارة السلام
ما تعرفش فين
أبوأمل
هناك 24 تعليقًا:
خيارك خيارنا
وليلنا ونهارنا
بنلبس خيار
خيار السلام
الله عليك وعلي جمالك
من احلي ما كتبت يا ابو امل
عاليه عاليه عاليه
رائع جدا ياابو امل
الله عليك
:-)
كلام
ربنايخليك
والله الصدق بياجى من الإحساس بالفكرة
أرجو ان تكون تعبيراً عما يجيش بصدورنا
محمد مفيد
تحياتى
شكراً على التواصل ارجو النقد
ايمن الجندى
شكراً على حفاوتك
إلى الجميع ارجو متبعة بقية مدوناتى
ومطالعتها
من جوه احزنا بنضحك
بجد ضحكتني معاني عميقة جوة كلام لطيف
انا عارفة الخيارة فين في عين الست كوندليزا
دائما ممتاز حتي علي نفسك يا ابو امل
خالص امنياتي بدوام التألق
تحياتى
وشكراً على المجاملة اللطيفة
وأرجو أن نعلو دائماً بوطننا بالحب والخير والجمال
دي بقت سلطة خالص
الله ينور عليك
انت ما حددتش
سلطة طحينة
ولا سلطة
خضرة
تحياتى
رائعة جدا
جدا
جدا
علي فكرة انا برده باكتب شعر
وغلس حبتين لان مس اي حاجة بتعجبني
بي انت طلعت استاذ
طيب
أعذرنى أنا حأقول رأيى بكل وقاحه وصفاقه وصراحه فى نفس الوقت
من فترة طويلة اتجاه شعرك مش عجبانى خالص و أقصد الأتجاه السياسى فى العموم وأظن أن الأتجاه ده حيقضى تماما على موهبتك الفطرية الأصيلة
بداياتك كانت أصدق بكتير جدا من كده وأجمل من كده
أما دلوقتى مش عارف أقول إيه ؟!
كل غرضى من التعليق -اللى كنت بتجنبه من فترة طويلة - هو مجرد رؤية ورأى صادق مهتم بيك ممكن ترميه فى أقرب زباله حتعدى عليها
عموما ممكن نتواصل أكتر على إيميلى لو كنت عايز
تصبح على خير
:)
انا متشكر قوى يا أبو أمل أنك زرت مدونتى(عرفتها إزاى)
القصيده مش شعر القصيده زجل و هى فى إطار الزجل عاليه قوى و كمان فكرة كتابة الخياره بالأخضر و الطمطمايه بالأحر جميله قوى و جديده أبجدية النت يا سيدى
ياريت تستمر متابعنى و قول للناس عليا و النى أحسن المدونه بتنش:)
آدم المصرى
ما اخبيش عليك انى عايش فترة صعبة
وده اللى خلى الشعر بتاعى بيتجه الإتجاه ده
وانا نفسى اكتب شعر غلس
ومن اللى الواحد
يقعد سنة فى كتابته
عى العموم شكراً على التواصل
السهروردى
أولاً
انا سعيد جداً بعودتك
والعود أحمد وكذلك انا سعيد بهذا النقد البناء وانا والله عارف ان الحاجات الحديثة مباشرة جداً لدرجة تخلينى ما اقولش عليها شعر وده بسبب الأحداث المتلاحقة التى مطلوب منى المشاركةفى التعبير عنها
ولهذا فنا اكتب شعراً جيداص وسوف اعرضه قريباً فلا تقلق على مستواى
واجو رأيك
وبعدين لماذا تتجنب التعليق الصادق الذى يتضمن نقداً ودوداً محباً
قل ما تراه وسوف احمل النقد تاجاً على الجبين ونيشاناً احمله من صديق عزيز تحياتى
محمد ابو الفتوح
أولاً اهلا بيك
انا شفت تعليقك عند مدونة أخرى
ثانياً بخصوص القصيدة هى مباشرة وتندرج تحت الزجل ولكنها كانت تعبيراص عن الأحداث
وسأظل اتابعك ونشر مدونتك يتم بزيارة مدونات اخرى وتعليقك الجيد
تحياتى
وده اللي اسمه الزجلو كليب
:)
نسيت اقولك
الخيار في السوق غلي
وطلع دبلان ومعطب كمان
سك ع السلاطة الاستراتيجي
صوبات
********
ابو امل
تحية حلوة
كلامك حلو بجد
هاجى كتير
وماتنساش التاااج
هههههههههه
+++++++++
انت زرعت القراط خيار السنة دي
ربنا معاك
يا سيدى الزجلو كليب
الفيديو كليب
السلطة كليب
مش بتفرق معانا الأسماء
الخيار يغلى
نكتفى بالفاقوس
أو الجرجير يعنى ممكن نجرجر
أو نتجرجر
ثم تعالى هنا هو الخيار بس اللى دبل ومعطب
ده احنا دبلنا
تحياتى
شرفتنا
حلم
تشرف المدونة
بس إه حكاية التاج
ابوشنب
فينك يا راجل
انت عارفنى بحب الخيار
ده انا لما باشتريه باعلقه فى النجفة
عاوزين نشوفك
اسئلة فى مدونتى
استقصاء اتمنى ان تجيبه هنا
والخيار لك
حـــــــــــلم
انا اطلعت على هذه الأسئلة وأجلت الرد عليها
بكل سرور
والخيار لن جميعاً
ابو امل
والله العظيم انا بنت
ههههه
يا سيدي ولا يهمك
ابيتاف
يااااااااااااه
اسف والله ما بابص فى البروفايل
انا فعلاً
..............
الكلام خلص
سامحينى
ياعم يا بتاع الخيار
ياللي بتنادي ليل نهار
انت بتنادي على الاموات
ولا من اليأس مبقاش لك خيار
وعجبي ......
مع عظيم احترام للعظيم صلاح ابو جاهين
يا ابو امل انا ممرر لك التاج عندي فالبلوج بتاعي ياريت تجاوب عليه نزولا على رغبة الجماهير وليس لك اي خيار ... ما انت خلصته في القصيدة ههههههههههههههههه
تحياتي لقلمك الرائع
صاحب البوابة
أهلاً بك
شكراً ع المجاملة
أريد التواصل الدائم
إرسال تعليق