لله يا محسنين
عبد فقير محتاج
على رصيف الشعر
متمزعة هدومه
وعنيا مبلوطة
باشحت صور وخيال
فوق الكتاف الصرر
منشالة محطوطة
احاسيسى مربوطة
على جناح الطير
لله يا محسنين
شحات بادق الباب
باشحت سيد حجاب
فتحى حمدالله
********
الى كل المدونين من عشاق العامية المصرية
الذين يعشقون شعر سيدحجاب
ارجو امدادى بالمزيد من قصائدة
مع العلم
ان متابعتى له
لا تعدى العشرات من قصائده
من الآخر
انا باشحت سيد حجاب
وهنيالك يافاعل الخير
ومن شيء بيداه التقاه
ابوامل
هناك 19 تعليقًا:
عزيزي أبو أمل
زرت مدونتك اللذيذة
وبصدق كانت أظرف وأمتع مارأيت
تهانينا
وإلى الأمام
لا تحرمنا من المزيد
الشاعر عباس
شكراً على الإطراء
ده بس من فرط تذوقك وحبك للشعر
تحياتى
السلام عليكم
ازيك يا ابو امل اتمني تكون بخير
انا بحب الشعر العامي جدا و قرأت لسيد حجاب و إن شاء الله اول ما احصل علي قصائد له حرسلها لحضرتك
نورتنا يا فندم
اتمني اصير من تلاميذك
------
يا عم أبو أمل
الله يحنن عليك
و بكبشة قصايد يرزقك
و بسيد تمللي عنيك
يا سيدي متشكرين
علي الزيارة
ربنا يخليك
:)
كلبوزة
لكن سمباتيك
إيه خفة الدم
اللى عليك
يا بنت الإيه
ما اخبيش عليك
انى طرت فى السما شوية من الفرحة
وانا بطالع سطورك المتوهجة
بالتلقائية
تحياتى
حاضر يا سيدى من عينيا الأتنين
أنا متأخرش عنك فى حاجة زى دى أبدا
الاخ ابو امل احييك علي عشقك لسيد حجاب
في قصيده في مدونتي
وان شاء الله هحاول ابعتلك جزء منها
وسيد حجاب له قصيده بأسم لوكنت امير لو عندك ممكن تقولي علي مكانها وانا هدور علي الموقع بتاعه وابعته ليك
السهروردى
تشكر يامعلم
محمد مفيد
انا سمعتها منه فى قناة دريم لكن مش عارف مكانها وانا بحثت كتير ع النت وما لقتش حاجة
في موقع للشعر العربي ممكن تلاقي فيه قصايد سيد حجاب
www.adab.com
شكراً على تشريفك
ارجو ان تتصفح المدونة
سأحاول
البحث
تؤمر يا افندم عندي قصائد لسيد حجاب هبعتهالك ان شا ء الله
بس ممكن سؤال؟
ليه سيد حجاب تحديدأ؟
خالص يا سيدى حضرتك تقدر تشرفنا فى أى وقت
أى خدعة
:P
سيد حجاب .....امممممممم......ايه رأيك نعملها صفقة؟؟
انا بقالي شهر بدور علي قصيدة (لو كنت امير من امراء الحواديت) لفؤاد حداد....لو معاك ابدلها بقصايد سيد حجاب....اتفقنا؟؟
مدونة رائعة
تحياتي
الحالمة بالحرية
شكراً
عل تعاونك
ثانياً سيد حجاب تربيت على شعره من خلال مقدمات المسلسلات ولم يأخذ حقة من النشر ولم اطلع على شعره ابدا
وشاعر بمثل قامته يجب ان يصل للناس بصورة اكبر مما هى عليه
ممكن تقولى انا عاشق
لشعره
السهروردى
شكراً على تواصلك
سيد حجاب من الشعراء المقلين
مجلة الثقافة الجديدة العدد السابق نزلت مختارات منه
فين مدوناتك الجديدة يا أبو أمل و لا اللي بيحصل في لبنان قطع الأمل
بس برضه عندي أمل اشوف كتاباتك المنيرة
خالص تحياتي
ايوة جاى
تحياتى
لو كنت أمير
من أمراء الحواديت
كنت ادى لكل فقير وفقيرة بيت
بيت بجنينة مليانة زهور
وبعشة مليانة كتاكيت
وأعلّق فوقه قمر بنور
ونجوم لولى... فتافيت فتافيت
لوكنت أمير
من أمراء الحواديت
كنت ادى لـ... وزرائى محاريت
علشان يشتغلوا بايديهم ويشوفوا ازاى
الأرض السمرا لما نحرتها كدة رايح جاى
بتطلع غلّة وبن وقطن وضل وشاى
وتطلع غاب نعمل منه الأرغول والناى
لو كنت أمير
من أمراء الحواديت
كنت أدّى لكل الأطفال الحلوين ألعاب
قطر بقضبان..فرشة ألوان.. مية أو زيت
وابنيلهم قصر على المالح من غير أبواب
قصر بقبة لولى وقبة مرجان
وأعلّق عالقبة أجراس
فضة ومرمر ودهب ونحاس
لكن قبل ده كلّه لو كنت أمير
من أمراء الحواديت
كنت ادّى لكل الناس
وردة وكتاب
وردة وكتاب
وكمان قبل ده كلّه
قبل ده كلّه
لو كنت أمير
من أمراء الحواديت
كنت أرفرف زى النسمة وادخل فى الحلق
وأقطّع نص السنة الخلق
نص اللى مابيقولش الحق
علشان يتعلمه
امتى يقولوا أيوة
وامتى لأ
ده لوكنت أمير
من أمراء الحواديت
مع تحياتى
سيد حجاب
email: hegabsayed@yahoo.co.uk
Very cool design! Useful information. Go on! Unfinished ladder back chair Free mobile ringtones motorola t125 bell ringtones Intro to trading currency 1 cent roulette free motorola ringtones v60s repair bad credit or increase credit score Italy italy singapore singapore email webhost http://www.polyphonic-ringtones-9.info/Ringtones4.html guide is neurontin addictive Blackberry shareware e-mail Fluoxetine hcl par877
إرسال تعليق