ممكن يتلم الشمل
ما بين الخبز الحاف
والجوع
أو تنقسم الضحكة
ما بين الناس
والورد
أو ترجع عصافير
الفجر
تغرد فوق الأغصان
ممكن ندخل جوة كتاب الحواديت
ونفتفت احداثها
فتافيت
فتافيت
ونعيد ترتيبهم من
تاني
ندى العاشق
سيف وحصان
علشان يخطف
قلب حبيبته
بنت السلطان
أبو قصر كبير
ممكن
ممكن
على سطح الممكن
فى الدور الأخراني
لخيالنا المبدع
نحبي بشويش
بشويش
واحنا بنبص لفوق
ع القمرة
وف لحظة ما نبص لتحت
نقع فجأة
على
أرض الواقع
أبو أمل
هناك تعليق واحد:
عمي الكبير
كلام كبير
نفسي يا ابو امل ابص للقمرة
واخدها في حضني
من غير ما تتقطم رقبتي
ولو للحظة في عمري
ممكن
إرسال تعليق