قال لى رفاق الدرباس
الذين يمثلون تشكيلة متنوعة
من البشر
عامل فيها شاعر
وانت خايب مالاقيش اللضى
روح اكتب لك اغنية
زى اسلام خليل ولا
ايمن بهجت قمر
اترزق يعنى
قال واحد
اكتب عن العنب او البلح او القوطة او البرتقال او الرمان او الباذنجان او المشمش
او الجـــــــــــــــــــــــــــــــــــــــــــــــــــــــــــــــــــــــــــــزر
اكتب عن الحمار
او الكلاب
أو
,
ضحكنا جميعاً
فجميع هذه الفاكهة والخضر
كتب عنها اغان
قلت لنفسى لم يتبق غير البصل
اكتب لى اغنية افك زنقتى بيها
قال احدهم غنى للبصل
وهو ماقيش اغلى منه
فى السوق
انا فى انتظار الفكرة
والملحن والمطرب
والفلوس
إيه رأيكم
دام عزكم
على فكرة قصيدة الكادر
تعبتنى قوى
إليكم قصيدة الكادر كاملة
كدرنا يا سيدى
كدرنا
والنعمة يا باشا
انت قدرنا
لا تقوللى لا كادر ولا غيره
ده خسارة ف جتتة أهالينا
الخوجة بحزمك هات داغة
وكمان رقع له صداغة
مابيقرق بين جيبه وصاغة
غير بس كفوفة المخرومة
إيه يعنى لما الجيب فاضى
إيه يعنى لما نجوع عادى
ده كفاية ان البيه راضى
مالك انت يا سى القاضى
محروم بيعشق محرومة
كدرنا يا سيدى
اركب ودلدل ع الآخر
دى البردعة تنجيد فاخر
اما الحمار ف بيتّــــاخر
والقصة من النوع الساخر
بس النهاية محتومة
يمكن نخاف أو حتى نكشّ
يمكن نشوف الغش نغشّ
يمكن نغيّر لون الوش
رايح لفين يا دود المش
من جبنة مالحة وقديمة
ابوامل
هناك 13 تعليقًا:
انا قرات القصيده في جزءها الاول و انبسطت بها
انا حاسس ان احنا عايشين في الوسيه
يا ابو امل طال غيابك
حمدالله ع السلامة
ادخل عندى لان فيه هدية لامل
رائع يا أبو أمل
أخيرا اكتملت؟؟؟ بس بجد رائعة
انت قصدتها ساخرة .. بس المرارة فيها طاغية جدا..
بحييك بكل احترام و إنبهار
رائعة
-------
بس ياريت تستخدم التشكيل يكون احسن
حقيقي اسلوبك الساخر المعبر ده فوق الرائع وانا فعلا بيكون نفسي اتباع لك باستمرار لولا المشاغل
في انتظار ابداعاتك الجديده
تحياتي لك
يسلم سن الازميل ياابو امل وانا معجب كدا باغنية البصل وممكن اغنيها هي جات على يعنى دا العالم بيغنى
kefia ana hsa eny a3da 3nd 7'odry
عبقري
هاقولك ايه غر كدا
تحياتي
ابوأمل
ذو النون المصرى
ربك يبسطك كمان وكمان
خالد
انا جيت وشفت الجوز الخيل
هنودا
ما بلاش المرارة الطاغية كفاية طغاة
شادى
يهمنا راحتكم أيها الطبيب
علول
تشرف فى اي وقت يا باشا
بندق
قريباً سترى فحلا من البصل قصدى اغنية
ميمو
يا ريت تكتبى بحروف عربى
الكلمة الأخير ما عرفتهاش
آدم
حبيب قلبى
ازي صحتك
لا مينفعش انت تكتب للبصل
الورد حيفضل ورد
و تفضل ريحته فيه
سيب لهم النهاردة
و بكرة ليك
تحياتي
فينك يا عم
سمباتيك
الحمد لله / الورد هل عاد كما كان سابقاً يغنى له فى القصائد والأغانى أم أن البصل والجزر وغيره أصبح يتصدر الصورة
مش ؤعارف إيه اللى جرى
محمد مفيد
أهلا بك سأعود مجدداً
إرسال تعليق