الخميس، فبراير 15، 2007

كدّرنا C.D كدرنا يا



كدّرنا يا سيدى
كدّ رنا
والنعمة يا باشا
انت قدرنا
لا تقوللى لا كادر ولا غيره
ده خسارة فى جتتة اهالينا

الخوجة بحزمك هات داغه
وكمان رقع له صداغه
ما بيفرق بين جيبه وصاغه
غير بس كفوفه المخرومة

كدّرنا يا سيدى
كدرنا
والنعمة يا باشا انت قدرنا


ملحوظة : النص لم يكتمل بعد
وأردت فقط أن أعيّشكم لحظة ولادة نص وخروجه للحياة
ارجو الإسهام فى هذا النص بالنقد والإبداع
ولكم جزيل الشكر




ابوامل

هناك 19 تعليقًا:

SomeOne يقول...

قدرنا
؟؟؟؟؟

ما احنا
اللي عملناه
ورضينه بيه
وساكتين

وياكش تولع

محمد أبو الفتوح يقول...

يخرب بيتك
"ما بيفرق بين جيبه وصاغه
غير بس كفوفه المخرومة"
جيبتها منين دى
إيه الإبداع ده كله
إنت بتثبتلى كل يوم إنك فنان بجد و فنان كبير كمان
بالنسبه للمشاركه بالنقد معروفه إنما إزاى نشاركك بالإبداع
يعنى قصدك نشترك معاك فى كتابت القصيده

هيثم محفوظ يقول...

يا بو أمل حرام عليك
أنا عارف إنك ما بتحبش التعليق يكون مدح و خلاص بس فعلا مش لاقى حاجه أقولها
بدايه أكتر من رائعه
بجد ياريت أقابلك
أنا أبو الفتوح دلوقتى بس كنت عايز أسيبلك تليفونى
0109189140

ذو النون المصري يقول...

فكرتني بعادل امام في اغنيته
هشتكنا و بشتكنا ياريس دانتا رئيس و النعمه كويس
هههههههههههههه
النمط الخفيف في السخريه بيكون ممتاز جدا
و علي فكره الكادر الخاص اللي فقعونا بيه زي ما انت فاهم كان كلام
..............
نكته
.......
مره واحد مدرس نام بالليل تعبان ،صبح الصبح حاول يقوم من السرير ،لقا نفسه مش كادر!!!!!!!!!!!؟
هههههههههههههه
مش قادر
مش كادر
ههههههههههههههههههههههههههه

ذو النون المصري يقول...

علي فكره
انا عندي البوستات الحاليه التي تعرضها المدونه فوق الارشيف اختفت
ماالاقيش عندك كود البوستات الحاليه؟
لانه تقريبا اتمسح عندي
و لك جزيل الشكر

ذو النون المصري يقول...

علي فكره
انا عندي البوستات الحاليه التي تعرضها المدونه فوق الارشيف اختفت
ماالاقيش عندك كود البوستات الحاليه؟
لانه تقريبا اتمسح عندي
و لك جزيل الشكر

Unknown يقول...

شادى فايد
تولع منين هو فيه اليومين دول انابيب غاز


محمد ابوالفتوح
اخجلتم تواضعنا
يا رجل يا ريت تسهم معى ابداعيا ً فى هذه القصيدة من ناحيتك
على الأقللا فى الموضوع


هيثم محفوظ
اشكرك على هذا الكلام الرقيق
مفهمتش ازاى انت محمد اابو الفتوح دلوقتى يعنى هو اللى بيدير مدونتك ؟؟؟؟
انا ما نزلتش مصر غير مرة واحدة
لو حصل هحاول اقابلك
هاكلمك ان شاء الله
سعيد بك
تحياتى


ذو النون المصرى
نكتة حلوة
فيه واحد انقح منها
واحد مسئول كبييييير
النور قطع عند فى اوضة النوم عند
فالست اشتغلت تحسس
ايه ده
طبعاً مناخير
بق
ودن
نزلت تحت
تحسس
ايه ده الطويل
ده كادر المعلمين يا روحى
ههههههه

انا معلهش مش بافهم قوى
فى موضوع النتت
والأكواد كان ودى اخدم
تحياتى

Hannoda يقول...

على فكرة الكلام خفيف جدا ولاذع و ساخر في نفس الوقت

بجد تركيبته عجيبة وواضح فيها قوي ان المفردات والأسلوب لواحد لعّيب في اللغة العربية رغم انه عامّي أساسا.. بس الغة عموما مش بس مفردات

على فكرة عجبني قوي
امتي بقى حايكتمل النمو ونشوف باقيتها؟؟؟..

غير معرف يقول...

تسلم ياباو امل بس خد بالك من امل
bondok
bondok.blogspot.com

Unknown يقول...

blogs4arab
ويسعدنى أيضاً


هنودا
ربنا يخليكى
ربنا يسهل وتكتمل القصيدة
تحياتى


بندق
حبيبى بندق العمر واحد والرب واحد
واحنا يعنى بنعمل إيه يعنى مش كلام

شخبطة ملوكى يقول...

كدّرنا يا سيدى
كدرنا
والنعمة يا باشا انت قدرنا
هاتدوس على ولدك بالجزمة
وتاخدنا من ضلمه لضلمه
ولا ننهق ولا نبكى لحالنا
وهتاكل قوتنا و رجالتك
من جوعنا هاندلدل روسنا
وهانرضى باللى تفوتهولنا
كدّرنا يا سيدى
كدرنا
والنعمة يا باشا انت قدرنا

اخى العزيز فتحى مشاكة بسيطة من شخصى المتواضع
اتمنى ان تنال اعجابك
وتاخدنا وياك

admelmasry يقول...

كدرنا يا سيدي كدرنا
افرد فينا وبعترنا
كدرنايا سيدي كدرنا

ما تقولشي كلام مانتاش قده
لا ف طوله سيادتك ولا عرضه

عمال بتغني علي الفاضي
والشعب بتاعك مش راضي

ارحمنا ياسيدي ارحمنا
يا تقّتلنا
يا تّخدرنا
كدرنا يا سيدي كدرنا














تحياتي ليكي يا فنان الصعيد

khaled يقول...

حمد الله على السلامة يا ابو امل
يطول غيابك و تعوضهولنا بحاجة تنسينا بعدك

الولد الفوضوى يقول...

اعجبني كل ما قرأته
وارجو ان تكتمل هذه القصيدة
اسلام المغربي

كلبوزة لكن سمباتيك يقول...

لا انا ارفض
ليه يكدرنا
ليه ميفرفشناش و يتنحى


كملها
تستاهل تكمل
كالعادة فنان

الولد الفوضوى يقول...

الشاعر الجميل فتحى حمدالله
سعيد جدا بهذى الشاعرية المتميزة التى اراها فى قصائدك
تمنياتى لك كل التوفيق
وافر محبتى
محمود مغربى

موقعى
هنا

magrapy2007.jeeran.com

Hannoda يقول...

فينك وفين باقي القصيدةبتاعتك

ماينفعش الغياب ده كله على فكرة

:)

غير معرف يقول...

لحد امتى؟؟؟

khaled يقول...


حتة لامل يا ابو امل

http://www.youtube.com/watch?v=eFZ_T_iAQt4