قريباً .... على شاشة الأولي / مبادرة الحد من المغالاة فى الزواج

التليفزيون المصري

انتظرونا على ....

شاشة القناة الأولي المصرية

فى برنامج الإ علامية اللامعة

رولا خرســــــا

القصة وما فيــــها

الحلقة القادمة

بإذن الله

سيتم تغطية حفل زفاف

تنظمه جمعية تنمية المجتمع بكوم الضبع

على طريقة أبو تريكة

وقريباً

أبوتريكة

بكوم الضبع

انتظرونا

تحديث

لم يذع البرنامج بسبب محاولة رسمية لإخراج المبادرة عن مضمونها واعطاء من لا يملك ما لا يستحق فكانت التغطية موجهة وباهتة ونحمد الله تعالي على كل شيئ ولسان حالنا الرجاء بالدعم والمشاركة .

نعم لأبوتريكة .... لا لدروجبا

المهندس / سعد شعبان صاحب فكرة مبادرة الحد من المغالاة فى الزواج عريساً

نعم لأبوتريكة .... لا لدروجبا

مهداة إلى سعد شعبان / على خلفية مبادرة الحد من المغالاة فى الزواج
نشرت بجريدة أخبار الأدب
على كفة إيد
شايل كوباية لبن الصبح
لنهار مش عايز يصحي
وف كفة شايل بصلة ورغيف
للست حليمة
فى الشاذلي
لجل تغدي عيالها
الـ مش قانعين
بالعيش الحاف
والبق المالح
من مية بيرمحفورة
ف قلب الصحراالناشف
وانت ......دموعك سايلة
على خد قناعتك
مستني بركة دعوتها تصيبك
وانت هناك
خطاطيف بتشدك
للبلد الغرقانة ف بحر المألوف
وشادوف طالع نازل
ينطل من مية أحلام مجانين
على جبهة إيمانك بمبادئك
حبات العرق السايل
نازلة تبوس النبتة
اللى يا دوبها من ساعة
مزعت توب الأرض
وخرجت للنور
وانت .....بضوافر صلبة
بتنقش من بدري
شعارات
مش ببلاغة حواديت الناس
بس ف مستوى أحلام الفقرا
بتدور حوالينك على أتباع
كل اللى اتبنى ف بلدنا
مش ممكن يتباع
أتباع امبارح شاخوا
تاهوا في بلاد النفط
مش فاضل منهم غير أفكار
محبوسة ف دواليب
يااااه على لحظة تزوير
لمشاعر ناس
لحظة ما اتنظم جيش المرتدين
واتراجع جواهم زحف الخير
واترفعت على تربة صحاريهم
أعلام الشر
اصرخ فيهم ....
مش ممكن يا اخوانا
احلامنا اللى اتولدت
ف قلوبنا تموت
اصرخ فيهم بعلو الصوت
الناس المغروزة جدورهم
حوالين دكان شحات
مش ف إيديهم غير حواديت
وعيال حدفوهم للدنيا
وعيال محبوسة ف ضهورهم
الملزوقة بأمان ف الحيط
أنا أول أتباعك
ارمح ف شوارع
البلد القاسية يا سعد
حفيان
وانزف من قلبك أحلامك
راح اصوب حواليك أشعاري
ان قلت يا سعد الشمس
هتطلع وردة ف قلب الجبل الغربي
هاصدق
ما انا اول اتباعك .......
شكل دروجبا المتكبر
مش ممكن يقدر يهزم دعوتنا
ولا كل اتهامات الناس بجنونك
ممكن تخنق احلامنا
يد أبوتريكة الممدودة بدعوة شكر
لازم تمسح دمعة حزن
على خدود الشبان ف بلدنا
وتقدم وردة لبنت بتحلم
بعريس لابس ابيض ف ابيض
يخطفها على ضهر الخيل
يرمح بيها فرحان
والنيل يحسد فرحتهم
وينام مرتاح البال

شعر / فتحى محمد حمدالله