براءة وأمل

الحروف بتتشكل

على لسانك

غرة شهر رمضان

اليوم الأحد 24 /9/ 2006
هو غرة شهر رمضان 1427
كل سنة وانتم طيبين
النهاردة نويت اخش بين دفتى
المصحف الشريف
وبين جدران مسجد قريتنا
لن ابرحه
اللهم اغفر لنا
يارب

يوم النصر / مهداةإلى سماحة السيد حسن نصرالله وأبطال المقاومة

القذائف أخطأت
صدر البطولة
والقصائد أخطأتك
وانت يامن تحممت بالمحن
أخطأت من
يممت وجهك شطر نصر
وقبضت بالكف المناضل
مشهدك
وصرخت فى جوف
الضميرالمهتريء
اليوم أمر
وجه الحسين يطل من
بين العمامة كل يوم
ويقبل الأطفال
والشيوخ والبيوت
ويمسّح دمعة
فوق وجهها
بــيـــــــروت


بيروت يــــا
حقل زيتون
جر فته الأنظمة
بيروت يا صوت أغنية
ترددها الشعوب النائمة
بيروت بث حى
على شاشة أيامنا القادمة
بيروت قطة برية
عيونها خضراء
تهوى اصطياد " الميركافا"
والقلوب المجرمة


جنوبى ابيّ
يسكن الجنوب
بقلبه الرقيق
وتزهر الحناء
والزيتون والتفاح
على امتداد حلمه العميق
وفى قلوبنا الرقاق
ينبت الصباح

شعر/ فتحى حمدالله

أبوأمل

نشرت فى أخبار الأدب بتاريخ 8/ 10/2006

صباع طباشير

صباع طباشير

وسبورة

تلات ألوان

على قماشة

وتحيا مصر

وضحكة بنت

بفيونكة

ضفاير سودة

زي الكحل

بتتمرجح

وقلب الواد

كما بندول

رايح جاي







.........
وابتدا العام الدراسى
وبدأت رحلة من المتعب والتحصيل
كل سنة ولنتم طيبين
أبو أمـــــل

نويت أخش جنتك

نويت أخش جنتك
من غير ما يوصلنى
نذير
من اي رمش
نويت أخش
من غير حساب
أو حتى ياجينى جواب
م الغمازات
ومن الشفايف
والعيون
نويت أشوفنى
في الضفاير
مستخبى م العذاب
نويت أدوب يا حبيبة
وحدتى
ف كاس الحنين
نويت أتوب
عن أي ذنب
أي كلمة حب
على لساتى العنيد
رافضة تغرد
فوق غصونك
عصفورة بتلقط مشاعر
دفيانين
محتاج اصونك
جوة فى دم القصيدة
ال محتاجاك
لجل بكرة يكون
براح
نويت أرفرف
ف الفضا
من غير ما روحى
تنسحب من الجسد
بالحشرجة
من غير رجا
ف بحور عسل
وبحور لبن
وبحور خمور
وبحور غناوى فرحانين
نويت أعدى ع الصراط
ما بين عنيك ومحنتى
قدامى نار
وورايا نار
يمينى وشمالى وأنا
مش واخد قرار
أطمع ف خلد محبتك
أو أتحدف من جوة
نار الإختيار




اقرأ فى

مدونة قلم نونو " كلب لبيبة "
مدونة صعيدى شحط محط " ابن عروس"
مدونة الكناشة " أمي "