جمال الدولى عامل نفسه ساويرس وعامل مسابقة ادبية يا بشر

جمال الدولى
انطس ف نافوخه وعامل نفسه البابطين ولا سعاد الصباح ولا ساويرس
وعامل مسابقة ادبية
ف حب مصر

انا عن نفسى مبسوط
وهشترك
إيه رأيكم فى الموضوع ده
بس انا عافه فقرى يعنى معاهوش نكلة للجوايز
وخايب بلوجرياً
مين هيساعده فى الموضوع ده
يعنى يشرف ع المسابقة
تعاطفك وحده مش كفاية
وكله عشان مصر


أبو أمل

الكناشة

الكناشة
الكناشة هى المجموعة من الأوراق تجعل كالدفتر ويدون فيها كل شاردة وواردة هى مدونة إذن
وكناشتى الجديدة ستعرض الشعر والقصة والنوادر وخلافه وما أدراك ما خلافه وستكون هذه المدونة هى البديل لمدونة الجائع بن حلزة التى فشلت فشلاً ذريعاً ولم يقرأها سوى القليل
والمدونات هى



منين اجيب ناس / شعر خاص بى
قلم نونو / كلام من قلبى
صعيدى شحط محط / عن الصعيد والصعايدة
الكناشة / تقدم شرحه

وفى النهاية ارجو منكم استعراض مدوناتى المختلفة وإبداء الرأى وشكراً

أبوأمل

وقفة مع النفس

وقفة مع النفس
انا والله فرحان بفكرة الوقفة مع النفس تدوينياً بس اللى منغص عليا عيشتى انى فيه حاجات كتيرة مش باعرفها زي عمل لينك وادراج صورة وخلافه ع العموم بكرة نتودك ناجى للرد ع الإستجواب
أولاً مسألة الرضا لن تتم أبداً لا من ناحية الشكل ولا من ناحية المضمون ويوم أن أرضى عن شيء أكون فاشلاً وأنا أحاول التطوير الدائم وأتلقى نقداً متميزاً فى شعر العامية الذى أكتبه
وأستفيدجداً منه
ثانياً اسرتى تعلم بأمر مدونتى ويزعجها هذا الأمر لأنها تستحوذ على معظم وقتى وكمان خوفاً على اما اصدقائى فيسخرون منى احدهم يقول لى انت بتكتب باسم مستعار وخايف من الإعلان عن اسمك
ثانياً لا أجد حرجاً إطلاقاً فى اخبار الصدقاء عن مدونتى بالعكس انا اخبرهم عنها وأطلب ان يعلقوا عليها
يعنى هو انا باسرق وأمورى الخاصة بأقفل هليها فى صندوق وارمى مفاتيحة فى الترعة اللى جنب البيت

ثالثاً نعم تسببت فى تغيير الكثير من الأفكار وقضت على فكرة كانت تداهمنى تحثنى على الإنغلاق بى بوتقة من الإنعزالية يعنى ببساطة مدونتى خرجتنى من عزلتى
رابعاً أحاول دائماً الإطلاع على مدونات الغير وأدعوهم إلى زيارتى
خامساً فى البداية كنت اغتاظ من قلة عدد الزائرين والآن باخدها بروح رياضية وما حاولتش اعمل لنك يعد الزائرين لأنى من الآخر ما اعرفش حاجة اما محاولة تخيل شكل المدونين فقد فعلتها مع مدونين شغلونى جداً حاولت تخيل السهروردى ومكسوفة وكلبوزة
شيء قاس ان تقرأ افكار واحد لا تراه
سادساً طبعاً هناك فائدة بالغة الأهمية للتدوين على المستوى الشخصى قدمت إبداعى للآخرين وفيه موضوعات لو ما كتبتش فيها وقراها حد كنت بعيد عن السامعين هأطق اموت والمدونة صنعت مساحة للتواصل بالآخرين ما كان يمكن ان اسمعهم وان يسمعونى لولا التدوين التدوين هو الحاجة الحلوة فى حياتى
سابعاً المجتمع التدوينى غي منفصل عن مجتمعه وعن العالم المحيط فهو ينبض بمشاعر الناس وأحاسيسهم ولكن الذى احسه ان البعض يتحاشى تقديم شهادات تاريخية تتعلق بالبيئة التى يعيشون فيها بالإكتفاء بالحيث فى الموضوعات العامة والذاتية غافلين لموضوع امكانية الإستفادة بالمدونات فى تأريخ الحياة فى أي مجتمع وقد سمعت ان مدوناً عراقياً أرخ لفترة الحرب على العراق
ثامناً بالعكس الذى يغيظنى لدرجة تجعلنى اشد ف شعرى هو التعليقات المختصرة والتى تتضمن مدحاً فى ابداعى ولا تتخيل مدى سعادتى من نقد للسهروردى وقد استفدت منه جداً وإلا لو قال كل واحد للآخر انت جميل يبقى ما فيش لازمة للتعليق أصلاً
تاسعاً انا لا أخاف أبدا ً من شيء ولا من أحد وحكاية الإعتقال ليست شراً بل خيراً والدليل حالة السعادة التى يعيشها المدونين الذين اعتقلوا اكيد سعدا لأنهم عملوا حاجة وسيبقون رغم انف جلاديهم
عاشراً ياااااه تصور ده الموضوع الوحيد اللى عمرى ما فكرت فيه بس هاحاول اسيب لأمل امر المدونة من بعدى وعلى ما تكبر سأترك كلمة السر واسم المستخم لواحد صاحبنا وانتو برضه اذكروا محاسن موتاكم
حادى عشر انا بحب قوى ناظم الغزالى بخاصة اغنية سمراء ومجنون بالشيخ امام ولكن لا علم لدى بأمو ر اللينكات
حكاية اسماء المدونين اللى يقوموا بهذا الإستقصاء
فانا هاقترح
* مكسوفة
*السهروردى
* كلبوزة
* زمااااااان
* محمد مفيد
ومش عارف فيه حاجة مطلوبة منى تانى
تحياتى
أبو امل

والتاج اهو وذنبك على جنبك انت وهو

خيار السلام

خيار السلام
صنيبر ونادى
ومن غيط بلادى
وزارعاه ولادى
بنقطف وندى
لكل البلاد
بلاد الجوار
بياخدوا الخيار
خيار السلام

خيار السلام
صغير كبير
رفيع تخين
قصير طويل
على كل لون
وحسب المقاس
ومن غير مساس
بشكل المسار
مسار السلام
خلاصة الكلام
حدانا الخيار
خيار السلام

خيار السلام
ده آخر طراوة
وآخر نداوة
وآخر خضار
تقرقش تفرفش
وممكن تخرط
فى قلب الخيارة
فيحدث تعاون
ما بين الطماطم
وبين الخيار
فى وسط الصحون
فممكن نسدد
فوايد الديون
وممكن نخلل
خلال برطمان
فى وسع المحيط
ووسع الخليج
مخلل خيار
خيار السلام

خيار السلام
براءة اختراع
لراجل فشلة
ف شلة وحوش
دماغه فاشوش
وبيحب النظام
نظام المرونة
نظام الليونة
ومص اللمونة
على اللى باعونا
وباعو القضية
فى سوقر النخاسة
وحتى النحاسة
فى كاب الجنود
باعوها كمان
وباعوا المصير
وبعنا المخدة
وبعنا الحصير
ونام البلاط
وسهرت عيونا
ما بين البينين
ياإما نموت
بهم الحياة
يا إما نعيش
بطعم الممات
فحتماً وقطعاً
ولازماً نموت
وما لناش خيار
وما لناش إلا
خيار السلام


خيار السلام
تعالى دوق وجرب
خيارة فى بقك
فى بدء النهار
تنسيك همومك
تسيح شحومك
تنعنش ترطب
فى بدء النهار
وآخر النهار
خيارة السلام
ما تعرفش فين
أبوأمل