لما كنا صغيرين
كانت الحواديت وطن
ملهوش حدود
والملك كان الخيال
ماكانش حالم مستبد
كنا نتخبى ف قصر م الغيلان
كان يطبطب فوق كتافنا
كان بيلضم
من عيونّا اللامعات
عقد لولى
يرمهولى
احدفه ف وش الغيلان
فيتركونا مش خيال
لما كنا صغيرين
كنت اخاف م الليل وبكرة
كنت اشوف قدام عنيا
بفتة سودة
آجى اخبى الليل ف عبّى
يندلق منى السكات
قوم تنز الضلمة خوف
تترعش جوّاى حروف
لما اشوف الصن
يقف شعر راسى
اصرخ اجرى ف البراح
يرمهالى فوق دماغى
ضحكة صفرا مربكة
ما ارتبكش
وانسى خوفى
واقوله
بخ خ خ خ خ خ
.........
واندفن جوة الصباح
هامش
الصن : العفريت بلهجة قريتنا
نشرت بالثقافة الجديدة / يوليو 2004
كانت الحواديت وطن
ملهوش حدود
والملك كان الخيال
ماكانش حالم مستبد
كنا نتخبى ف قصر م الغيلان
كان يطبطب فوق كتافنا
كان بيلضم
من عيونّا اللامعات
عقد لولى
يرمهولى
احدفه ف وش الغيلان
فيتركونا مش خيال
لما كنا صغيرين
كنت اخاف م الليل وبكرة
كنت اشوف قدام عنيا
بفتة سودة
آجى اخبى الليل ف عبّى
يندلق منى السكات
قوم تنز الضلمة خوف
تترعش جوّاى حروف
لما اشوف الصن
يقف شعر راسى
اصرخ اجرى ف البراح
يرمهالى فوق دماغى
ضحكة صفرا مربكة
ما ارتبكش
وانسى خوفى
واقوله
بخ خ خ خ خ خ
.........
واندفن جوة الصباح
هامش
الصن : العفريت بلهجة قريتنا
نشرت بالثقافة الجديدة / يوليو 2004
